Andreas Mitchell

Andreas Mitchell

Res apud Vicidata repertae:

Nativitas: 23 Martii 1956; Londinium
Patria: Britanniarum Regnum
Nomen nativum: Andrew John Bower Mitchell

Familia

Genitores: David Mitchell; Pamela Elaine Haward
Coniunx: Sharon Bennett

Andreas Mitchell, vulgo plene Andrew John Bower Mitchell (Londinii in regione urbana Hampstead natus die 23 Martii 1956) est rerum politicarum peritus Britannicus factionis Conservativae.

Andreas Mitchell alumnus est Scholae Rugbeiensis et Collegii Iesu apud Cantabrigienses. Legatus apud Parlamentum Regni Uniti ab anno 1987 usque ad annum 1997, munere populi Gedling, iterum a die 7 Iunii 2001 usque hodie munere populi Sutton Coldfield fungitur. Primo ministro Davide Cameron Andreas Mitchell secretarius civicus pro evolutione internationali meruit a die 12 Maii 2010 ad 4 Septembris 2012. Deinde a consilio ministrorum decedens congregator (whip) factionis Conservativae factus est, sed hoc munus mox die 19 Octobris 2012 resignavit ut qui vigiles intempestive obiurgavisset.